„Кит-кат“ чоколатцата повлечени во Хрватска
Државниот инспекторат го повлече од пазарот производот вафли Нестле КИТ КАТ Мини поради присуство на минерални масла, извести Хрватската агенција за земјоделство и храна.
Како што објаснуваат во соопштението, станува збор само за Nestle KIT KAT Mini 200 гр во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.