„Комунална хигиена“ на повик го собира кабастиот отпад од дома

 

Нема повеќе оправдување за сликите што секојдневно ги гледаме со троседи, шпорети, кревети и друг мебел покрај контејнерите, затоа што ЈП „Комунална хигиена“ воведе нова услуга за собирање и транспорт на кабастиот отпад од домовите на граѓаните.

– Жителите на градот Скопје коишто имаат потреба да се ослободат од својот стар мебел и неупотребливите електронски и електрични уреди, можат на бесплатниот телефонски број 0800 222 33 да ја нарачаат услугата за подигнување и транспорт со специјалните возила на ЈП Комунална хигиена, соопштија од Град Скопје.

Со воведените измени на услугата, граѓаните ќе имаат можност да ја одберат опцијата нивниот кабаст отпад да биде преземен директно од внатрешноста на домот, без разлика дали станува збор за индивидуални или за колективни домаќинства.

Услугата за собирање кабаст отпад од домовите на граѓаните се наплатува согласно ценовникот на ЈП „Комунална хигиена“.