Кинескиот извоз во мај поголем за 60 милијарди долари од увозот


Кинескиот трговски суфицит во надворешната трговија во мај изнесувал околу 60 милијарди американски долари (424 милијарди јуани), се наведува во официјалните статистички податоци на кинеските служби.

Приходите од трговијата изнесувале 1,59 трилион јуани, а расходите 1,17 трилион јуани, соопшти Државната управа за девизи, пренесува Кинеското меѓународно радио (ЦРИ).

Приходите од трговија со стоки биле 1,46 трилион јуани, а расходите 965 милијарди јуани. Трговскиот суфицит достигна 494,2 милијарди јуани.

Трговскиот дефицит во услугите истовремено изнесувал 70,2 милијарди јуани.