Кина пријави шест нови случаи, еден во Вухан

 

Кина пријави шест нови случаи на корона вирус, од кои еден е во градот Вухан, од каде почна пандемијата, соопшти Националната здравствена комисија.

Три од шест случаи се увезени и откриени се во северниот дел на регионот Внатрешна Монголија.

Вухан,градот во кој кон крајот на минатата година почна епидемијата, пријави уште еден случај на корона вирус кај пациент кој претходно бил асимптоматски.

Во тој град во провинцијата Хубеј во тек е масовно тестирање за да се откријат носителите на вирусот кои не покажуваат симптоми на болеста, но може да заразат други луѓе.

Кина пријави и 17 нови асимптоматски случaи, што е еден помалку од вчера.

Во Кина од почетокот на пидемијата со корона вирус заразени се 82.960 луѓе, додека починаа 4.634.