Кина нема кредибилитет за мировен предлог, оцени НАТО

Повикот на Кина за мировни преговори меѓу Украина и Русија „нема многу кредибилитет“, рече генералниот секретар на НАТО, додека го предупреди претседателот и Ши Џинпинг да не испорачува оружје на воената машина на Кремљ.

За време на посетата на Естонија, Јенс Столтенберг беше запрашан за документот од 12 точки на Кина за Украина, кој ја повикува меѓународната заедница да „создаде услови и платформи“ за продолжување на преговорите.

Столтенберг им рече на новинарите „Кина нема многу кредибилитет бидејќи не можеше да ја осуди илегалната инвазија на Украина и тие исто така потпишаа само неколку дена пред инвазијата договор меѓу претседателот Ши и претседателот Путин за неограничено партнерство со Русија“.

Тој додаде дека „воената поддршка денес е начин да се постигне мирен договор утре“, како укор на имплицитната критика на Кина за западното оружје за Украина.

И тој ја предупреди Кина да не ја снабдува Русија со оружје, велејќи дека тоа ќе биде еднакво на поддршка на нелегалната агресивна војна на Русија, а со тоа и кршење на Повелбата на ОН. „Внимателно следиме што прави Кина и видовме знаци дека тие можеби размислуваат да испратат смртоносна помош за Русија… ова би била многу голема грешка“.

Ладен одговор за кинескиот предлог даде и шефицата на Европската комисија, Урсула фон дер Лајен. „Морате да ја видите [кинеската изјава за принципите] на специфична заднина, а заднината е дека Кина зазеде страна, со потпишување, на пример, неограничено пријателство непосредно пред да започне руската инвазија на Украина“, рече таа.