Кина и Русија, „најголемите кршители“ на човековите права, избрани во Советот за човекови права на ОН

Кина и Русија беа избрани во Советот за човекови права на ОН во вторникот заедно со други 13 земји, што ги разгневи групите за човекови права кои двете нации ги нарекуваат „најголемите прекршители“.

Саудиска Арабија, друг кандидат на кој се спротивставуваат активистите, не успеа да освои едно од 15-те слободни места во 47-членото тело на изборите што се одржаа на Генералното собрание на ОН во Њујорк.

Повеќето од земјите кандидати немаа противници, а Русија е една од нив.

Кина и Саудиска Арабија се натпреваруваа за места во азиско-пацифичката група, во која пет земји се кандидираа за четири слободни места.

„Неуспехот на Саудиска Арабија да добие место во Советот за човекови права е добро потсетување дека се потребни повеќе кандидати. Ако имаше повеќе кандидати, Кина, Куба и Русија исто така можеа да изгубат”, рече Луис Шарбоно, директор на Хјуман рајтс воч.

„Ваквата неконкурентна конкуренција ги претвора овие светски избори во лакрдија “, рече Шарбоно, нагласувајќи дека „сериските прекршители на човековите права не треба да бидат наградени со место“ во Советот.

„Изборот на овие диктатури за судии за човекови права на ОН е како да ангажирате група пиромани во противпожарна единица“, предупреди Хилел Ноер, извршен директор на УН Воч, група за човекови права од Женева.

„Логично е апсурдно и морално непристојно“ ОН да ја изберат Кина, која беше критикувана за третман на етнички малцинства и задушување на слободи во Хонгконг.

Минатата недела 40 држави изразија „сериозна загриженост“ во ОН за масовно затворање на ујгурски муслимани во логори во западната кинеска провинција Шинџијанг.

Саудиска Арабија и Русија се обвинети за задушување на опозицијата во сопствените татковини и за мешање во војните во Јемен и Сирија.

„Саудиска Арабија погуби 184 лица во 2019 година. Русија убива новинари и труе неистомисленици. Куба е полициска држава“, рече Ноер.

Куба, Боливија и Мексико зазедоа три слободни места во Советот за човекови права кои припаѓаат на групата Латинска Америка и Карибите.

Кина, Непал, Пакистан и Узбекистан добија места во азиско-пацифичкиот регион.
Брегот на Слоновата Коска, Габон, Малави и Сенегал се избрани од група африкански држави.

Избрани се и Велика Британија и Франција, а Русија и Украина освоија слободни места во источноевропската група.

На новите членки мандатот им започнува во јануари и трае три години. Членовите на Советот треба да ги почитуваат највисоките стандарди за човекови права.

Соединетите Држави го напуштија тоа тело на ОН во 2018 година нарекувајќи го мизерен бранител на човековите права. (Хина)