Киев тврди дека загинале повеќе од 10.000 украински војници во војната

Врвен советник на претседателот на Украина ги цитираше воените началници дека 10.000 до 13.000 украински војници биле убиени во деветмесечната борба на земјата против руската инвазија, што е редок коментар за таквите бројки и далеку под проценките за украинските жртви од западните лидери.

Во исто време Генералштабот на украинската армија во дневното ажурирање објави дека вчера биле убиени 650 руски војници, со што бројот на загинати руски трупи се искажи на 90.000,

Податоците за загубите на обете страни не можат независно да се потврдат.

Руските сили продолжија со ракетните напади врз инфраструктурата и воздушните напади врз позициите на украинските трупи долж линијата за контакт, соопшти во петокот украинскиот генералштаб, додавајќи дека воениот притисок на Москва е фокусиран на десетина градови, вклучувајќи ги Бахмут и Авдиивка – клучни цели за Русија на зафатениот исток. .

Доцна во четвртокот, Михаило Подолјак, главен советник на украинскиот претседател Володимир Зеленски, пренесе нови податоци за убиените украински војници во битка, притоа истакнувајќи дека бројот на повредени војници е поголем, а бројот на цивилни жртви е „значаен“.

„Имаме официјални податоци од Генералштабот, имаме официјални бројки од највисоката команда и тие изнесуваат меѓу 10.000 и 12.500-13.000 убиени“, изјави Подолјак за Канал 24.

Украинската војска не ги потврди таквите бројки и тоа беше редок случај на украински функционер да даде таква проценка. Последниот датира од крајот на август, кога шефот на вооружените сили рече дека биле убиени речиси 9.000 воени лица. Во јуни, Подолјак рече дека до 200 војници умираат секој ден, во некои од најинтензивните борби и крвопролевања оваа година.

Во средата, Урсула фон дер Лајен, претседателката на Европската комисија, рече дека 100.000 украински војници биле убиени пред нејзината канцеларија да ги коригира нејзините коментари – нарекувајќи ги неточни и велејќи дека бројката се однесува и на убиените и на повредените.

Минатиот месец, генералот Марк Мили, претседател на Здружениот Генералштаб на САД, рече дека во војната досега биле убиени или ранети околу 40.000 украински цивили и „добро“ над 100.000 руски војници. Тој додаде дека тоа е „истото веројатно на украинската страна“.

Канцеларијата на ОН за човекови права, во своето последно неделно ажурирање објавено во понеделникот, соопшти дека евидентирала 6.655 убиени цивили и 10.368 повредени, но призна дека нејзиниот биланс вклучува само жртви што ги потврди и веројатно далеку го потценува вистинскиот биланс.

Кабинетот на украинскиот претседател во петокот извести дека најмалку тројца цивили биле убиени, а 16 ранети во Украина во изминатите 24 часа. Кирило Тимошенко, заменик-шефот на канцеларијата, на Телеграм рече дека руските сили нападнале девет региони во југоисточна Украина користејќи тешка артилерија, ракети и авиони.