Кевин Мекарти конечно избран за спикер на Претставничкиот дом по 15 рунди гласање

Републиканскиот лидер Кевин Мекарти беше избран за претседател на Претставничкиот дом на САД со драматично гласање доцна во ноќта, откако го задуши повеќедневниот револт од блокот на крајнодесничарските конзервативци за конечно да го добие спикерскиот чекан во историскиот 15-ти обид со само 216 гласови, во раните утрински часови во саботата.

Изборот на Мекарти, републиканец од Калифорнија, за спикер дојде по 14 порази и низа отстапки за ултраконзервативните пратеници кои значително ќе ја ослабат неговата моќ додека го зајакнаа нивното влијание врз новото партиско мнозинство во Претставничкиот дом.

Спектаклот заврши на неверојатен начин за време на напнатата, доцна ноќна сесија на Домот, која прерљасна во викање и покажување со прст. Еден републикански пратеник мораше биде физички да биде задржан од колега. Но, жестоката битка за спикерското место, најдолгата од 1859 година, заврши набргу потоа, кога последните преостанати парламентарци ги сменија своите гласови на „присутни“, намалувајќи го прагот и дозволувајќи му на Мекарти да ја обезбеди функцијата.

Конечниот резултат беше 216-212, при што демократите гласаа за нивниот водач Хаким Џефрис, а шест републиканци беа „присутни“ на гласањето за Мекарти.

Озарениот Мекарти ги прегрна членовите на неговиот лидерски тим и сојузниците кои стоеја со него во текот на повеќедневната сага. Искачувајќи се до говорницата, го подигна чеканот и ѝ даде два енергични удари. „Тоа беше лесно, а?“ рече тој, предизвикувајќи смеа.

„Татко ми секогаш ми велеше, не е како почнуваш, туку како завршуваш“, продолжи Мекарти, изјавувајќи: „Сега започнува напорната работа“.

Со желба да се соочи со претседателот Џо Бајден и демократите, тој вети судски покани и истраги. Тој му припиша заслуга на поранешниот претседател Доналд Трамп што стоеше со него и за доцните повици „помагајќи да се добијат тие конечни гласови“.

Републиканците ечеа во славење кога беше објавена неговата победа, извикувајќи „САД! САД!”

Демократите во Домот останаа обединети зад Џефрис, конгресмен од Њујорк, до последното гласање. Обележувајќи „момент на транзиција“ по четири години демократска контрола на Домот, Џефрис рече дека демократите ќе настојуваат да соработуваат со републиканците каде што е можно, но вети дека секогаш ќе ги ставаат „американските вредности над автократијата“.

Џо Бајден му честиташе на Макарти за освојувањето на спикерското место и го повика новото мнозинство на републиканците во Претставничкиот дом, кое сака да ја предизвика неговата администрација со долго ветените судски покани и истраги да „владее одговорно“.

„Помина долга недела“, призна републиканскиот конгресмен Патрик МекХенри на почетокот на својот говор, номинирајќи го Мекарти за спикер. „Претседателот го нарече овој процес срам. Телевизиските водители го нарекоа ова како хаос и неред. А некои би го нарекле шамболично, дури. Но, тоа се нарекува демократија“.

Кога Мекарти заврши со говорот, тој брзо се прфрли врз полагањето заклетва на когресмените и формално да го отвори 118-от Конгрес во по полноќните часови. Меѓу нив беше и Џорџ Сантос, њујоршкиот републиканец, кој се соочува со повеќе федерални и локални истраги, како и повици да поднесе оставка откако беше откриено дека тој постојано лажел за аспекти од неговото потекло за време на неговата изборна кампања.

Во избезумените напори да се стави крај на внатрепартискиот ќор-сокак, Мекарти и неговите сојузници поминаа денови затворени во доцни ноќни преговори со 20-те тврдокорни конзервативци кои му се спротивставија на првите 11 гласања. Во замена за нивната поддршка, тврдокорните членови побараа големи промени во правилата на комората, како и поголема застапеност во некои од највисоките комисии на Домот.

Промените на правилата што ги побараа противниците на Мекарти може да го комплицираат неговиот мандат како говорник. За да ја добие нивната поддршка, Мекарти се согласи да ја врати политиката што ќе му овозможи на еден член да повика на гласање за соборување на актуелниот спикер. Тоа правило би можело да им дозволи на поскептичните поддржувачи на Мекарти да го отстранат од неговата улога доколку се судрат околу политиката во иднина, а заканата од таков маневар ќе виси над главата на секој актуелен спикер.

Во текот на изминатите четири години, Мекарти успеа да ја задржи својата позиција како лидер на републиканците во Претставничкиот дом делумно настојувајќи да го задржи мирот со екстремно десничарските членови. Влијанието на таа стратегија се одрази во долгата дебата за спикерот.

Како што Мекарти ќе се искачи на говорницата, времето ќе покаже дали неговите отстапки за екстремно десничарските членови ќе бидат доволни за да го задржат на чело. Ако не, на повидок би можело наскоро да се појави уште една борба за чеканот.

Водачот на мнозинството во Сенатот, демократот од Њујорк, Чак Шумер, рече дека е загрижен дека отстапките на Мекарти кон екстремно десничарската група на неговата партија кои ризикуваат да го направат долниот дом неуправлив и може да доведат до затворање на владата. „Работата од соништата на спикерот Кевин Мекарти може да се претвори во кошмар за американскиот народ“, рече Шумер. (Гардијан)