Англија– Вимблдон редовно привлекува многу славни личности и членови на кралското семејство на трибините, а дуелот меѓу Ѓоковиќ и Синер вчера секако беше еден од најинтересните и најдраматичните од почетокот на турнирот, па не е чудно што принцот Вилијам и неговата сопруга Кејт Мидлтон, омилената кралска британска двојка , беа во кралската ложа за овој натпревар .
Кејт блескаше како и секогаш и привлекуваше големо внимание кај гледачите, но и кај фоторепортерите. Стигнала облечена во син фустан со бели туфни на Алесандра Рич, украсен со зелено-виолетова машна, што е симбол на Вимблдон. Оние што им е дозволено да ги носат овие бои се покровителот (војвотката од Кембриџ), претседателот, управниот одбор, потпретседателите и четворица членови на извршниот персонал на клубот Вимблдон.
Таа претходно го носеше истиот миди фустан, кој има затегнат струк што ја истакнува нејзината вита силуета, на улична забава во Кенсингтон за време на викендот по повод платинестиот јубилеј на кралицата.
Инаку, Новак добро ја познава кралската двојка, бидејќи и традиција е да разговара со нив по освојување трофеи, а Новак тоа го направи шест пати.
Своевремено Вилијам и Кејт дури беа донатори на фондацијата Новак Ѓоковиќ, па не е чудно што тие избраа да го гледаат токму неговиот натпревар.
Информациите покажуваат дека двојката планирала да ја напушти кралската ложа во Централниот терен до крајот на попладневните часови, наместо да го поддржи Британецот Камерон Нори додека тој игра со Белгиецот Дејвид Гофин во нивниот четвртфинален натпревар на теренот 1, но зафатениот Централен терен натпревар ги врза за нивните седишта.