Канадскиот премиер останува во самоизолација

Канадскиот премиер Џастин Трудо изјави денеска дека ќе остане во самоизолација, иако неговата сопруга Софи се излекува од корона вирусот.

Трудо рече дека засега ќе остане внимателен, во изолација, бидејќи бил во иста куќа со некој кој бил позитивен на вирусот.

Тој додаде дека сопругата ги однела нивните три деца во летната резиденција на езерото Херингтон во Квебек.

Софи Трудо на 12 март беше позитивна за вирусот, откако доби симптоми по враќање од Лондон.

Премиерот на Канада и неговото семејство оттогаш беа во изолација дома, но Трудо и нивните три деца не покажале симптоми.