Калембер, Исламовиќ и Паѓен потпишаа за „Кроација рекордс“: 4 Аса со нов албум и турнеја

Популарната супергрупа 4 Аса повторно е заедно, а со потпишувањето на новиот ексклузивен договор за Кроација рекордс најавуваат нов студиски албум, но и голема турнеја. Поминаа 20 години од нивното прво обединување, а само неколку години помалку од нивниот заеднички албум и големата турнеја, која ја погледнаа повеќе од половина милион луѓе. За жал, овој пат  со Владо Калембер, Ален Исламовиќ и Јурица Паѓен не е прерано починатиот Рајко Дујмиќ.

„Откако, Рајко за жал не напушти, решивме по некое време да почнеме да размислуваме кои ќе бидат 4-те Аса. Тогаш ми се јави Јурица и ми рече дека Рајко е незаменлив и вели дека само сите заедно можеме да го замениме “ вели Владо, додека Ален додава дека четвртиот ас е всушност тајна, односно изненадување за публиката.

„Ова е многу голем ден за сите во Кроација рекордс, нашите долгогодишни изведувачи повторно се обединија, ќе има изненадувања, неколку нови песни, дуети и соработки. Се радувам на идните соработки“, изјави Желимир Бабоградац, директор на Кроација рекордс.
До крајот на годината одличните музичари планираат да издадат студиски албум со многу гости, но и да започнат голема концертна турнеја, која најверојатно ќе започне со хуманитарен концерт во Загребската Арена.
„Тоа е дефинитивно регионална приказна и кога за прв пат се појавивме свиревме низ целиот регион, односно поранешната држава, но и како гости во живо“, истакна друг музички ас, Јурица Паѓен.