Какви се тенковите „Абрамс“ кои Америка ги испраќа во Украина

САД одобрија испорака на 31 тенк „М1 Абрамс“ во Украина. Веста дојде откако Германија потврди дека на Украина ќе ѝ стави на располагање 14 тенкови „Леопард 2“. Испраќањето американски тенкови во Украина го потврди и американскиот претседател Џо Бајден, кој првично ѝ оддаде почит на Украина, додавајќи дека земјата „се соочува со со навистина брутална руска агресија“.

Зошто тенкот „М1 Абрамс“ е важен за Украина во војната против Русија? Тенкот „М1 Абрамс“ е едно од најмоќните копнени оружја во американскиот арсенал. Тој е способен да се приближи кон непријателските тенкови, воени позиции и други цели, да ги разнесе со своите топови и митралези, а потоа да забрза. Тешкиот оклоп на тенкот го штити возилото и четиричлениот екипаж од огнено оружје од малокалибарско оружје, фрагменти од гранати, па дури и од директни удари. Може да премине вода длабока до 1,2 метри.

„Примарната мисија на тенковскиот вод е да се приближи и да го уништи непријателот“, се вели во првата реченица од документот за обука од 2019 година за командантите на тенковите на американската армија и маринци.

Именуван по генералот Крејтон Абрамс, командант на тенкови од Втората светска војна, првиот „Абрамс“ стапил во служба во американската армија во 1980 година. Првично наменет за борба против Советите во германскиот стратешки Фулда Гап, „Абрамс“ беше надграден неколку пати со поголем топ и подобрен оклоп, пренос и погон.

Со текот на годините, Пентагон купи повеќе од 7.000 тенкови во различни конфигурации. „Абрамс“ првпат беше употребен во акција во Заливската војна, каде што доби високи пофалби од командантите, екипажите и одржувачите за неговата смртоносност и издржливост наспроти непријателскиот оган и брзината, според извештајот на американската влада од 1992 година.

Тенковите ѝ помогнаа на американската војска да ги победи ирачките сили за време на инвазијата на Ирак во 2003 година, а и помогнаа во нападите и другите операции во Фалуџа и на други места. Тенковите служеа и во Авганистан, каде оклопна компанија маринци беше распоредена во 2011 година и претрпе само една рана во мисијата и покрај тоа што беа нападнати 19 пати со импровизирани експлозивни направи, според военото списание Military Review.

Сепак, во текот на неговата служба, војниците и воените планери беа загрижени за огромната потрошувачка на гориво и ограничениот опсег на тенковите и долготрајната логистика и одржување што го придружуваат „Абрамс“ во борба. Ова, меѓу другото, го принуди Пентагон неволно да испрати тенкови во Украина.

За да функционира баталјон од 58 тенкови потребни се десетици возила за поддршка и стотици војници, формула позната во воените кругови како сооднос меѓу забот и опашката. Ова може да вклучува оклопни амбулантни возила, командни возила, камиони за одржување и камиони-цистерни со посебни потреби. Камионите мора да носат гориво, муниција, мазива, моторно масло, хидраулична течност и исклучително тешки резервни делови.

„Сè што е поврзано со тенкот е тешко“, вели Ден Гразиер, поранешен офицер на американската армија. И покрај сето тоа, тенковски баталјон може да работи само два или три дена на терен без засилување од логистичкиот баталјон, вели Гразиер.

„Ако им дадовме тенкови на Украинците и не им дадевме сѐ што им е потребно за логистичка поддршка, тешко дека ќе им направивме услуга“, рече тој. „Има многу работи што треба да се влечат зад тенкотза да се придвижи“, заклучува тој.

Значи, иако е многу софистицирано и скапо оружје, „Абрамс“е тешко да се одржува и претставува логистички предизвик бидејќи работи на авионско гориво.

„Германскиот ‘Леопард’ и американскиот ‘Абрамс’ се всушност близнаци“, вели Сидни Фридберг, уредник на дигиталното списание Breaking Defense. „Тие се многу слични. Големи возила, со тежок оклоп. Многу подобро заштитено од сè што направија Советите или што имаат Русите во моментов“, додава Фридберг.

Главната разлика помеѓу „Абрамс“ и „Леопард“ е моторот. „Леопард 2“има дизел мотор кој е многу полесен за одржување и повеќе се користи низ Европа, додека „Абрамс“ користи помоќни и покомплексни турбински мотори.

Со оглед на тоа што „Абрамс“ се користи значително помалку низ Европа, Украина би можела да се бори со логистичката инфраструктура како што се набавка на резервни делови, складирање и општо одржување, рече Фридберг. Тенкот за четири лица, исто така, ќе бара дополнителна обука за сложени машини, додава тој.

Борбените тенкови од најновата генерација се клучни за Украина ако сака да ги пробие руските одбранбени линии и да ја врати територијата што ја изгубија од Русите во првите недели од инвазијата.

Јужна Украина е рамна и идеална за тенковска војна. Русија изгради бројни ровови и утврдени бункери за да го запре напредокот на Украина во окупираните области. Во украинската офанзива, тенковите ќе напредуваат заедно со војниците заштитени со пешадиски борбени возила како што се американскиот „Бредли“, германскиот „Мардар“, па дури и БМП-2 од руско производство.

Како и да е, Западот по многу преговори и одолговлекување се обедини и испрати тешко оружје во Украина. Но, Бајден во својот говор нагласи дека ќе бидат потребни месеци, а не недели за да се достави „Абрамс“ во Украина. Исто така, сѐ уште не е одлучено на која локација украинските војници ќе бидат обучени за користење на „Абрамс“, пренесува „Индекс“.