Како ќе изгледа првата Оскаровска гала вечер во НОБ: Дел од атмосферата на генералната проба (фото)

Скопје вечерва ќе биде во духот на Холивуд со црвен килим, гости во тоалети и смокинзи и „дружба“ со најубавите филмски песни наградени со „Оскар“ кои ќе бидат изведени од врвни поп и оперски пејачи во придружба на оркестарот на Национална опера и балет и Националниот џез оркестар.

Во пресрет на 96. доделување на филмските награди „Оскар“, на 10 март во Лос Анџелес, Националната опера и балет од 20 часот ќе ја организира првата Оскаровска гала вечер. 

Диригент е Бисера Чадловска, а настанот е во режија на Дејан Прошев. Водителка ќе биде Миланка Рашиќ. Настанот ќе започне со црвен тепих во 19.30 часот.

 

НОБ на Фејсбук објави дел од атмосферата на генералната проба за вечерашната (28.2.2024) прва Оскаровска гала вечер.