Како израелската војска ги уби заложниците: Носеле бело знаме

Израелските безбедносни сили (ИДФ) дадоа нови детали за вчерашниот инцидент во во градот Газа, во кој тројца израелски заложници кои успеаја да побегнат од заробеништво на Хамас беа застрелани од војници.

Според висок офицер во Јужната команда, цитирајќи ја првичната истрага, инцидентот започнал откако еден војник стациониран во зграда идентификувал три сомнителни личности кои излегувале од зграда на неколку десетици метри.

Сите тројца биле без кошула, а една од фигурите држела стап со импровизирано бело знаме, според истрагата.

Војникот, кој верувал дека лицата што се движат кон него се обид на Хамас да ги намами војниците на ИДФ во стапица, веднаш отворил оган и извикал „терористи! на другите сили.

Според истрагата, тој војник убил двајца од мажите, додека третиот, кој бил погоден и ранет, побегнал назад во зградата од која дошол.

Во таа фаза командантот на баталјонот, кој исто така бил во зградата од каде пукал војникот, излегол надвор и ги повикал силите да го прекинат огнот.

Во меѓувреме, се слушнало како некој извикува „Помош“ на хебрејски. Неколку моменти подоцна третиот човек излегол од зградата во која побегнал, а друг војник отворил оган кон него, убивајќи го.

Командантот на баталјонот тогаш сфатил дека изгледот на третиот човек е необичен и се открило дека станува збор за израелски заложник. Сите три тела се собрани и однесени во Израел за да бидат идентификувани.

Војникот кој веднаш отвори оган по идентификувањето на тројцата мажи, го стори тоа против протоколите, како и вториот војник кој го уби третиот човек, според офицерот.

Сепак, ИДФ рече дека разбира што ги навело војниците на тоа.

Во оваа нселба, високиот офицер вели дека ИДФ не идентификувала ниту еден палестински цивил во последните денови.

Офицерот вели дека војниците убиле најмалку 38 палестински терористички оперативци во таа населба во последните денови. Единствените луѓе забележани како носат цивилна облека се оперативците на Хамас, честопати невооружени. Оперативците собираат оружје оставено во различни згради, отвораат оган кон војниците, а потоа повторно бегаат невооружени во друга зграда.

Во средата, во она што првично се мислеше дека не е поврзано со вчерашното пукање со смртоносна грешка, офицерот вели дека на неколку стотици метри оддалеченост војниците пронашле зграда на која со спреј на ѕидот пишувало „СОС“ на англиски и друга порака испишана со спреј на хебрејски, „Помош, тројца заложници“.

Војниците во тоа време веруваа дека зградата е место на стапици, но сега војската истражува можна поврзаност со вчерашниот инцидент.

Веднаш по инцидентот, ИД испрати нови протоколи до копнените трупи за можноста повеќе заложници да успеале да побегнат од заробеништво.

Самото сценарио, заложниците да се шетаат во борбена зона, никогаш не било земено предвид од страна на ИД. Овој инцидент и револтот во израел го натера премиерот Бенјамин Нетанјаху да притисне за нови преговори за ослободување на заложниците.

Тој му наложи на шефот на Мосад, Давид Барнеа, да се сретне со катарскиот премиер шеикот Мохамед бин Абдулрахман Ал Тани. Според „Волстрит џорнал“ тие двајцата ќе се сретнат денеска подоцна во Норвешка на разговори со цел да се најде нов договор за заложниците.

Извештајот доаѓа откако Барнеа се состана со началниците на израелската одбрана претходно истиот ден за да разговара за напорите за ослободување на заложниците по случајното убиство на тројца од заробениците од страна на ИД во Газа.

Катар беше клучен посредник во првиот договор за заложници во кој беа ослободени 105 цивили од заробеништво на Хамас во Газа: 81 Израелец, 23 државјани на Тајланд и еден Филипинец. Израел ослободи 240 палестински безбедносни затвореници, сите жени и малолетници.

Се верува дека 129 заложници остануваат во Газа – не сите живи. Четворица заложници беа ослободени пред првото примирје, а еден беше спасен од војници. Пронајдени се и телата на осум заложници, а тројца заложници беа убиени по грешка од војската. Израелските одбранбени сили ја потврдија смртта на 20 од оние кои сѐ уште ги држи Хамас, повикувајќи се на нови разузнавачки информации и наоди добиени од војниците кои дејствуваат во Газа.