Како дошло до страшната сообраќајка во Хрватска: Автомобилот удрил во срна. Возачот излегол, а потоа налетал автобусот

Командантот на противпожарната служба на округот Сисак-Мославина, Мирослав Голуб, за Индекс изјави дека причина за големата несреќа на патот А3 била срна која истрчала на автопатот.

„Автомобилот удрил во срна која скокнала на патот. Не е познато дали ја пробила оградата или само скокнала преку неа. Возачот очигледно не можел да го помести автомобилот после тоа, но излегол на патот и им мавнал на другите возачи да забават и да застанат.“

Автобусот што доаѓал од спротивната насока не можел да застане и се удрил во автомобилот на патот. „Тој ја проби заштитната ограда и заврши во спротивната лента“, вели Мирослав Голуб, началник на противпожарната служба во Сисак.

Автомобилот „Фолксваген“ со регистарски таблички од БиХ, удрил во срна и потоа налетал двокатен автобус, исто така со регистарски таблички од Босна и Херцеговина. 

За потсетување, во оваа тешка сообраќајна несреќа загинаа две лица, а 31 беа повредени. Во тек се итни операции за тешко повредените патници. (Извор: Индекс.хр)