Јелена Мишиќ избрана за претседателка на ЛИДЕМ

– Реформите во образованието и дигитализацијата се две од најважните области за развојот на нашата држава, во денешно време, кога се соочуваме со бројни предизвици и промени, неопходно е да ги подобриме нашите образовни системи и да ги интегрираме новите технологии во нашите училници. Токму затоа ја усвоивме и Декларацијата за реформи во образованието, истакна новоизбраната претседателка, Јелена Мишиќ, на денешниот 16-ти Конгрес на Либерално-демoкратската младина „ЛИДЕМ“.

– Нашата визија е да го развиеме концептот за неформално образование и да го претвориме тоа во секојдневна практика, бидејќи сметаме дека тоа е клучното за подобрување на вештините и знаењата на нашите ученици и студенти. Исто така, ние сметаме дека е најважно да ги интегрираме маргинализираните групи во нашиот образовен систем и да ги заштитиме нивните права. Затоа, ќе се бориме за законски прописи кои ќе ги заштитат и правата на ЛГБТИ заедницата во нашата земја, но и истополовите заедници. – рече Мишиќ.

За ЛИДЕМ е значајно младинското учество но и социјалното претприемништво како начин за подобрување на Македонија.

Претседателката на ЛДП Моника Зајкова им посака успех на младите и очекува од нив постојана и неуморна заложба.