Jankullovska ja përse dje i shpëtoi dënimit në rastin e Mercedesit 600 mijë euro?
Ish-ministrja e brendshme, Gordana Jankullovska është e akuzuar në rastin “Tanku” që ka të bëjë me Mercedesin 600 mijë euro, por ajo dje i shpëtoi dënimit që e shqiptoi gjykata për ish-kryeministrin Nikolla Gruevski me 2 vjet heqje lirie dhe ish-ndihmës ministrin e MPB-së, Gjoko Popovski me 6,5 vjet heqje lirie, informon INA. Jankullovska në këtë rast do të gjykohet ndaras, pasi që në njërën nga seancat e fundit avokatët e saj dorëzuan arsyetim mjekësor në të cilin thuhet se ajo është shtatzënë por edhe se bëhet fjalë për shtatzëni të rrezikshme. Pas kësaj, Prokuroria Speciale kërkoi ndarjen e procedurës.
Kjo nuk u konvenoi të akuzuarve të tjerë në këtë rast, për shkak se siç thanë, do të prishet koncepti i mbrojtjes së tyre dhe kërkuan që Prokuroria Speciale të përgatisë një akuzë të re, por gjykata e refuzoi këtë kërkesë. Jankullovska është protagoniste në rastin “Tanku” ku ajo në bisedën e përgjuar me Gruevskin merren vesh se si duhet të jetë Benzi 600 mijë euro dhe se si duhet që sa më shpejt duhet të kryhet procedura e furnizimit, në të cilën janë evidentuar më pas shkelje të mëdha. (INA)