Јамката на долгот: Проблеми за Италија, Велика Британија и САД

Според податоците на Вашингтонскиот институт за меѓународни финансии, вкупниот долг на сите земји во светот достигна рекордни 307 трилиони долари, што е веќе 336 отсто од светскиот БДП.

Планината на долгови порасна за 10 трилиони само во првата половина од оваа година, а 80 отсто од зголемувањето придонесоа индустриски развиените земји, најмногу САД, Јапонија, Велика Британија и Франција.

Од друга страна, задолженоста на населението се намалила, поточно од 57,9 на 57,7 трилиони, односно од 62,3 на 61,9 отсто од БДП. Според економистите, САД, Италија и Велика Британија се особено изложени на ризик да бидат погодени од спиралата на долгови, бидејќи во овие земји задолженоста ја надминува вредноста на годишниот БДП.

„Со таквата задолженост на многу земји, не сме далеку од фискална криза“, предупредува Питер Прает, поранешен главен економист на ЕЦБ.

„Можеби долгот сè уште може да се управува, вели Прает, но сè позагрижувачки е тоа што земјите треба да плаќаат сè повеќе за да ја платат каматата. Инвеститорите се исто така нервозни.

„Буџетските дефицити и високите нивоа на долг се причина за загриженост“, соопшти фондот за обврзници Пимко.