Измиени дворовите на поголемите православни цркви пред Велигден

Во пресрет на најголемиот христијански празник – Велигден, кога се очекува значително зголемена фреквенција на граѓани во православните верски храмови, ЈП „Комунална хигиена“-Скопје започна активности за рачно и машинско миење на дворовите и непосредната околина на поголемите православни верски објекти во сите скопски општини.

Со активностите се опфатени: соборниот храм „Св. Климент Охридски“, црквите „Св.Богородица“, „Св.Димитрија“, „Св.Јован Крстител“, „Св.Петка“, „Св.Ѓоргија“, „Св.Илија“, „Св.Архангел Михаил“, „Св.Петар и Павле“, „Св.Спас“ и др.

Екипите на  ЈП „Комунална хигиена“-Скопје и во претстојниот период ќе продолжат да се грижат за чистотата на верските објекти на сите верски заедници.