Измените на Законот за минерални суровини го поминаа комисискиот филтер
Собраниската Комисија за економски прашања не ги прифати четирите амандмани поднесени од ВМРО-ДПМНЕ и ВМРО-НП за измените на Законот за минерални суровини, во скратена постапка. Ова е прв од осуммте закони поврзани со Договорот за изградба на коридорите 8 и 10д со „Бехтел и Енка“.
И ВМРО-ДПМНЕ и Љупчо Балковски од ВМРО-НП имаа поднесено по два амандмани и тоа за издавањето на дозвола за експлоатација на минерлани суровини и за скратување на рокот за експлоатација.
Со измените е предвидено ископувањето да продолжи шест месеци по завршување на работите, додека опозоциската ВМРО-ДПМНЕ бараше тој рок да се намали на три месеци.
И на денешното продолжение на седницата опозициските пратеници и пратениците од ДУИ дебатираа за законските измени и за Договорот. ВМРО-ДПМНЕ повтрно го бараа Договорот и прашуваа како пратениците од ДУИ потпишале законски решенија а не знаат што има во договорот.
-На невидено предлагате закон. На нешто што некој ви рекол дека постои во договор. Не е првпат пратеници да се итрчаат. Каква неодговорност кон граѓаните. Да жртвувате природно богаттво, да жртвувате човекови права и да жртвувате право и правда бидејќи никој не знаеме што ќе се случува во меѓувреме и да тврдите дека со тоа ќе влезете во иторијата и дека ние ќе бидеме запаметени дека не сме ја разбрале иториската улога на оние кои што гледаат напред, рече пратеничката на ВМРО-ДПМНЕ Гордана Силјановска Давкова.
Пратениците од ДУИ најавија дека накоро сите ќе го видат договорот, но рекоа и дека ВМРО-ДПМНЕ треба да го смени пристапот.
Бедри Фазли рече дека изградбата на коридорите треба да трае 4 години и седум мееци. Според него, доколку не се донесат осумте закони изградбата ќе се пролонгира и ќе биде поскапа.
Пратеничката Рина Ајдари рече дека ова се прави за да бидат поефикасни и да и се помогне на Владата.
-Овие измени треба да се поддржат затоа што проектот ќе се направи и без нив, но ние ќе останеме во историјата како пратеници кои сме го поддржале, рече Ајдари.