Изложба „Коцките на мозаикот“ на Здружението за поддршка на лицата со Даунов синдром

Здружението за поддршка на лицата со „Трисомија 21″ ја организираше втората изложба на мозаици „Коцките на мозаикот“.

Мозаиците, како што информира здружението, беа изработени со многу емоции и креативност од страна на членовите, а изложбата беше отворена вчера во МладиХаб.

-Беа изложени повеќе изработки со коцки од керамика, комбинации со школки како и прекрасни изработки од зрнест зеленчук. Преку изработките се експериментираше многу, но сите содржеа љубов и труд, велат од „Трисомија 21″.