Изгаснат пожарот во хотелот „Космос“ во Москва, 230 луѓе евакуирани

Русија – Изгаснат е пожарот што избувна синоќа во хотелот „Космос“ во центарот на Москва, кој зафати површина од 25 метри квадратни.

Засега нема информации за евентуални настрадани.

Според претходните информации, евакуирани се 230 луѓе од хотелот.

Службата за итни случаи соопшти дека пожарот избувнал на 15. кат од хотелот од каде се гледаше густ сив чад.

Хотелот „Космос“ е изграден кон крајот на 70-те години како дел од Московските летни олимписки игри.