Иван Ракитиќ гордо позира со дрес на Хајдук

Хрватскиот репрезентативец и член на Барселона, Иван Ракитиќ, по завршувањето на прес-конференцијата по повод мечевите од квалицикациите за ЕП, доби подарок дрес од фудбалскиот клуб Хајдук.

Ракитиќ доби дрес на сплитските „били“ со бројот 4 на грбот. Дресот на Ракитиќ му го даде неговиот пријател и угостител, Гордан Болјат, кој со насмевка на лицето искоментира дека можеби на крајот на кариерата, другар му Ракитиќ ќе заигра за Хајдук.

Желбата на пријателите на Ракитиќ тој да игра за Хајдук е голема и од поодамна. Неговиот венчален кум живее во Сплит, и исто така лобира Иван да заигра за Хајдук. Ракитиќ одамна нема играно на „Пољуд“ и вели дека со нетрпение го чека дуелот со Унгарците, се чувстува како да му е првпат да игра за Хрватска, иако има повеќе од 100 настапи.