„Итно барање“ на австрискиот канцелар Курц: Не среќавајте се со никого

Австрија ќе почне тринеделна блокада на 17 ноември за да спречи пораст на инфекции со корона вирус, рече во саботата канцеларот Себастијан Курц.

„Моето итно барање: Не среќавајте се со никого!“ твитна Курц. „Секој социјален контакт, па макар бил и еден, е премногу“.

Австрија веќе имаше ноќен полициски час, но мерките се заоструваат. Најновите ограничувања, предвидени да завршат на 6 декември, ќе значат луѓето да останат дома освен да одат на шопинг или да вежбаат. Курц рече дека мерките се „крајно драстични“, но нагласи дека тоа е „единствениот начин на кој можеме да спречиме преоптоварување на нашиот здравствен систем“.

„Едно е јасно: Никој не сака да бидат затворени училиштата, рестораните, продавниците итн. Но, ние мора заедно да го направиме овој чекор.“

Несуштинските продавници и фризерниците ќе бидат затворени. Училиштата за помлади ученици ќе бидат отворени само за оние кои бараат грижа за децата. Средните училишта веќе користат учење на далечина.