Италијанскиот синџир супермаркети доаѓа во Македонија

„Конад“, еден од најголемите италијански синџири супермаркети, влегува на нови пазари на Балканот.

Филијалата на „Конад“ во Албанија објави дека планира да го прошири синџирот на нови пазари и да влезе во Северна Македонија и Црна Гора. „Конад“ моментално работи со 40 модерни супермаркети опремени според највисоките светски стандарди и бележи позитивен раст на бизнисот во последните години, пишува Retail Serbia.

Конад Албанија е дел од групата Конад Адријатико.

Првите супермаркети „Конад“ во Италија беа отворени во 1962 година. Покрај домашниот пазар, синџирот е присутен и во Албанија, Сан Марино, Кина, Малта и Косово.

Како што потсетува порталот, италијанскиот дисконтер Europsin планира да се прошири и на Балканот со влез на српскиот пазар.