Истражување: Согорувањето на фосилни горива предизвикало 8,7 милиони смртни случаи во 2018 година

Загадувањето на воздухот предизвикано од согорување на фосилни горива е причината за 8,7 милиони смртни случаи во 2018 година во светот, што е всушност секој петти жител починат, покажува новото истражување во соработка со Харвард и универзитетите во Бирмингем, Лестер и Лондон. Бројките се дури толку високи што го надминуваат вкупниот број на смртни случаи од пушење цигари и маларија, пишува весникот Гардијан.

Земјите со најголема потрошувачка на фосилни горива се најлошо погодени. Така, тоа е причина за секоја трета смрт во Источна Азија, и за секоја десетта во САД и Европа. Стапките во Јужна Америка и Африка се значително пониски. Неверојатната случајност, поголема отколку во претходните истражувања, многу ги изненади научниците.

– На почетокот, дури и се двоумевме дали да ги објавиме резултатите, бидејќи бројките беа неверојатни. Тоа е како лавина. Колку повеќе копаме, толку повеќе откриваме, вели Елоиз Мареј, географ од Универзитетскиот колеџ во Лондон и коавтор на студијата.

Научниците открија поврзаност меѓу загадувањето на воздухот и причините за срцеви заболувања, респираторни проблеми, па дури и губење на видот. Без емисии на согорување на јаглеводороди, просечниот животен век на светската популација би се зголемил за повеќе од една година, додека економските и здравствените трошоци би се намалиле за околу 2,9 билиони долари, се наведува во студијата.

Ова ново истражување дава подетална анализа за влијанието на честичките од саѓи кои ги создаваат фабриките, возилата и другите потрошувачи од таков вид. Позната како PM2.5, бидејќи нејзиниот дијаметар е 2,5 микрометри, оваа честичка е 30 пати потенка од човечкото влакно. Тие ситни дамки од загадување кога се вдишуваат се таложат во белите дробови и можат да предизвикаат широк спектар на здравствени проблеми.

– Можеме да се согласиме дека загадувањето на воздухот е невидлив убиец. Воздухот што го дишеме влијае врз здравјето на сите, но особено на децата, возрасните лица, оние со пониски приходи и лицата со темна кожа. Најлош ефект најчесто има кај луѓето во урбаните средини, вели Нелу Тумала, оториноларинголог од Универзитетот во Вашингтон.