Исчистени сливници, проверени шахти – Скопје се подготвува за обилниот дожд

Екипите на сектор Канализација при ЈП „Водовод и канализација“ – Скопје, покрај редовните активности за одржување на канализационата мрежа,  во согласност со податоците на УХМР и најавите за невреме вчера и денес спроведуваат и дополнителни активности за расчистување на сливниците и шахтите на критичните точки и сите подвозници во градот,  со цел непрекината функционалност на атмосферската канализациона мрежа.

Во текот на изминатите денови на територија на град Скопје екипите работеа на површинско расчистување на 1.458 сливници, рачно чистење на 387 сливници, контрола на 689 шахти, рачно чистење на 308 шахти и перење на 32 сливника со цистерна под притисок, во 9 реони во градот.

Екипите на ЈП „Водовод и канализација“ – Скопје се подготвени за интервенции и навремени реакции  во согласност со условите и во зависност од интензитетот и количината на водениот талог, со цел задоволување на потребите на граѓаните и градот Скопје.