Интерпол одби да го уапси Трамп

Интерпол одби да го разгледа барањето на Иран да се распише меѓународна потерница по претседателот на САД, Доналд Трамп, пораид убиство на генералот Касем Сулејмани.

Внатрешните правила на Интерпол не овозможуваат да се задоволи барањето на судските власти на Иран, затоа што на организацијата ѝ е забрането да се „меша и да изведува акции од политички, воен, религиозен или расен карактер“.

За потсетување, на 3 јануари во Багдад, САД го ликвидираа Сулејмани, генерал на Корпусот чувари на исламската револуција. Иран, за возврат ја ракетираше базата каде беа стационирани американски војници.

Првобитно американскиот претседател трамп и раководствоот на пентагон соопштија дека нема загинати, но потоа американската војска беше принудена да признае дека сепак има жртви, чиј број постепено растеше.