Инспекторите влегоа во општините Штип и Аеродром

05/11/2021 16:21
Вишите инспектори од државниот инспекторат за локална самоуправа ги проверуваат  свечените изјави на советниците во Штип и Аеродром, кои заклетва дадоа со Република Македонија, а не со уставното име Република Северна Македонија. За три дена на локалните власти ќе им се достави решението, но според наодите дадените изјави се невалидни и се очекува советите да ги корегираат. Во спротивно инспекторатот ќе донесе и одлука за „забрана на прописи“, што ќе значи блокада и на советот и на општината.

 

Советничката група на ВМРО-ДПМНЕ и денеска повтори дека ќе го чекаат решението од инспекторат, по што ќе се произнесат.

Во општина Штип денеска во исто време беа закажани и инспекторите и втората седница на Советот на општината, која почна со еден час задоцнување. Советниците од опозицијата останаа на ставот дека одлуките кои се донесени по дадените свечени изјави на мнозинството советници не се валидни, ништовни и се против Уставот. Тие ја напуштија седницата, бидејќи сметаат дека на тој начин ќе дадат легимитет на седницата.

Овие две општини не се единствени каде дел од советниците изјавите ги потпишале со Република Македонија, но има и  примери како Сопиште каде сите советници ги потпишале со уставното име.

Поврзани содржини

Апасиев не сака по втор пат да се изгори со поддршка на Силјановска
Македонија ја одбележа годишнината од загинувањето на Гоце Делчев под сенка на кампањата
„Престанете со копање по минатото“: Порака на Ковачевски до Мицкоски, Ахмети и Силјановска
Ковачевски: Бележиме раст на индексот на слобода на медиуми, чекориме по патот на европските вредности
Мицкоски: Тоа дека ДУИ полнеле кутии на денот на изборите е докажано од суд
Меџити: Ќе има промени и ќе има влада не со 61 туку со над 70 пратеници, за ВЛЕН бојкот на претседателските избори не е опција
Гаши: Бојкотот не е решение за изборот на претседател
Рацин: ВЛЕН го враќа Групчин во политиката

Најчитани