Индексите на Волстрит паднаа по изјавите на шефот на ФЕД

Со пад на вредноста во тргувањето го завршија индексите на берзата во Њујорк.
Претседателот на ФЕД, американската централна банка Џером Пауел изјави на седница на Конгресот дека очекува дополнителни зголемувања на каматните стапки оваа година, предупредувајќи дека инфлацијата се уште е превисока, пренесува француската новинска агенција АФП.

Индексот Дау Џонс го заврши тргувањето на 33.951,52 поени, што е за 0,30 отсто помалку од вторникот. Индексот на 500-те најголеми американски компании СиП 500 е формиран на вредност од 4365,69 поени, што е за 0,52 отсто помалку од почетокот. Технолошкиот индекс Насдак загуби 1,21 отсто и го затвори тргувањето на 13.502,20 поени.

Цените на нафтата пораснаа на затворањето на тргувањето во Њујорк. Суровата нафта „West Texas Intermediate“ за испорака во јули достигна 72,59 долари за барел, што е за 1,40 долари повеќе од вторникот. Барел северноморска нафта брент поскапе за 1,27 долари на 77,17 долари.

Падна и цената на златото, која падна за 3,80 долари или 0,20 отсто на 1.943,90 долари за унца од 31,1 грам.