И во Германија маските за лице станаа задолжителни

Сите германски покраини објавија планови да ги направат маски за лице задолжителни во борба против ширењето на коронавирусот.

Бремен стана последниот федерален регион што ги поддржа мерките, а Сенатот треба да ја потврди одлуката во петок.

Употребата на маски ќе биде задолжителна за јавниот превоз низ цела Германија, а речиси сите држави, исто така, ќе ги направат маските на лицето задолжителни при купување.

Канцеларката Ангела Меркел силно ја препорача нивната употреба минатата недела, кога таа ги олесни правилата за заклучување на национално ниво.

Различни земји издадоа различни упатства за употреба на маски за лице.

Австрија ги направи задолжителни при купување на почетокот на овој месец, но во средата Швајцарија потврди дека нема да ги натера своите граѓани да носат маски, бидејќи ги намали своите ограничувања.

Германскиот институт „Роберт Кох“ потврди 151.195 случаи и регистрираше вкупно 5.354 смртни случаи.

Институтот за федерални вакцини во Германија одобри во средата клинички испитувања за можна вакцина. Околу 200 здрави доброволци на возраст меѓу 18 и 55 години ќе бидат тестирани со варијанти на лекот, развиен од страна на американскиот фармацевтски гигант „Фејзер“ и германската компанија „БиоНТек“.

Новите правила стапуваат во сила во повеќето држави од понеделник, откако ќе поминат во локалните законодавства. Но, како ќе се носат маските за лице се разликува од државата.

Сите 16 држави ќе ги направат покривките за лице како неопходност за јавниот превоз. Но, во Берлин, нема да биде задолжително да носите маска при купување.

Ова е случај и во северната држава Мекленбург-Западна Померанија: таа држава објави казна од 25 евра за секој кој е фатен без маска во јавниот превоз. Другите држави допрва треба да прецизираат казни.

Рајнланд-Палатинат вели дека на учениците ќе им бидат дадени еднократни маски бидејќи полека почнуваат да се враќаат на училиште на почетокот на мај, додека во Баварија маските се задолжителни за сите на возраст од седум и повеќе години од понеделник.

Премиерот на Баден-Виртемберг, Винфрид Кретсман, изјави дека медицинските маски треба да бидат резервирани за здравствените работници, додека шамиите или прекривките од крпа ќе бидат доволни за луѓето на улица.

Голем број на држави во Европа почнуваат да ги прават маски задолжителни во јавниот превоз и во продавниците, вклучително и Австрија, Чешка и Словачка. Други почнаа да им делат маски на патниците, како Шпанија. Франција вети дека ќе произведе доволно маски за сите свои жители доколку сакаат да носат. (Би-би-си)