И според британскиот амбасадор корупцијата во Македонија се влошува
Британскиот амбасадор во земјава, Метју Лосон, во своја објава на „Твитер“ оценува дека состојбата со корупцијата во Македонија не се подобрува туку станува сѐ полоша.
Како што се додава во пораката, таквите состојби го поткопуваат владеењето на правото и ги ослабнуваат јавните институции.
Својата забелешка амбасадорот Лосон ја испраќа токму на Меѓународниот ден за борба против корупцијата – 9 Декември.