И други функционери на претходната влада во советодавното тело на Битиќи

Веле Самак, Никола Поповски (поранешниот министер за финансии во Владата на СДСМ), Игор Ивановски, Ванчо Узунов, Дарко Лазаров (член на ВМРО-ДПМНЕ) се исто така во тимот што ќе го советува вицепремиерот Фатмир Битиќи во рамките на иницијативата „За татковината со љубов“. Иако Битиќи најави дека станува збор за советодавно експертско и повеќепартиско тело, откритието дека меѓу нив се и вицепремиерот во владата на Никола Груевски, Владимир Пешевски, и министерот за финансии Кирил Миновски, предизвика изненадување во јавноста. Според информации на други медиуми во иницијативата се вклучени и професорите Марјан Петрески, Благица Петреска, Никица Мојсовска, Олимпија Христова-Заева и Горан Рафајловски.

Првиот состанок на ова неформално тело се одржа 3 декември, при што на онлајн средбата учествуваа стопанственици, универзитетски професори, економски експерти, претставници на невладини организации, како и поранешни министри, без оглед на политичката ориентација, родовата или етничка припадност. Засега не е соопштено дали оваа активност се хонорира или баш е заради љубов кон татковината.

Владимир Пешевски е обвинет во случајот Траекторија на Специјалното јавно обвинителство за земање провизии за изградба на „кинеските автопати“. Веста предизвика лавина од реакции на социјалните мрежи: