И Бугарија ќе го забрани увозот на украинското жито

Откако Полска, Унгарија и Словачка го забранија увозот на украинското жито и Бугарија се подготвува да ја преземе истата мерка за да го заштити домашното произвиодство. Преодната влада ќе воведе привремена забрана за увоз на храна од Украина, со исклучок на стоки во транзит, најави во среда техничкиот Галаб Донев на почетокот на состанокот на кабинетот.

„Бугарија останува солидарна со Украина, но банкротите на бугарските земјоделски производители нема да придонесат ништо за нејзината кауза“, рече премиерот.

Според Донев, значителното количество храна останало во Бугарија во текот на минатата година и го нарушило основното производство, спротивно на дизајнот на таканаречените коридори на солидарноста.

„Доколку овој тренд се задржи, па дури и зајакне, што е сосема реално, по забраните што ги воведоа другите земји, можно е да дојдеме до крајно сериозни последици за бугарскиот бизнис“, рече привремениот премиер.

Тој рече дека владата била принудена да ја усвои оваа национална мерка бидејќи одговорните европски власти сè уште размислуваат за адекватен одговор на променетите околности до кои доведоа до коридорите на солидарноста.

„Ние веруваме дека Брисел ќе ги слушне и ќе ги разбере позициите на земјите-членки Бугарија, Полска, Унгарија и Словачка и ќе ја преиспита својата позиција“, додаде тој.

Бугарските производители на жито пред еден ден најавија дека се подготвени да протестираат во Брисел доколку Европската унија не преземе мерки за протокот на пченица и сончоглед од Украина. Според овие држави единствено решение е прекин на увозот од Украина или мерки за да се обезбеди транзит на украинското производство низ земјата, како што беше идејата на договорените коридори.

Некои земји како Полска, Унгарија и Словачка веќе воведоа таква забрана, но Европската комисија ја прогласи одлуката за неприфатлива. Романија исто така го разгледува ова прашање. Бугарските земјоделци сметаат дека проблемот не може да се реши со исплата на поволностите.