Хрватска со најмногу активни случаи од почетокот на епидемијата, нови 199

 

Националниот штаб за цивилна заштита на Хрватска објави дека денеска има 199 нови случаи со корона вирус, со што и бројот на активни случаи достигна највисоко ниво од почетокот на епидемијата или 1.371.

На болничко лекување се 120 пациенти од кои 11 на респиратор. Во последните 24 часа тестирани се 1.824 лица.

Вкупно во Хрватска од Ковид-19 заболеа 6.855 луѓе, оздравеа 5.318 пациенти, а починаа 166. До денеска тестирани се 140.471 лица.