Хрватка подарува цела организација за свадба – причината е потресна

Девојка од Хрватска на една група на Фејсбук изјавила дека сака да подари сѐ за венчавка – од сала, музика, украси до храна, а причината е срцепарателна.

„Драга моја идна невесто, поради мојата нова ситуација откако мојот свршеник почина, подарувам сѐ што е поврзано со самиот чин на свадбата, немам само покани, а благодарниците се персонализирани, па и нив не можам да ги подарам. Ја подарувам салата во Загреб“, започна таа.

Додала дека таа и нејзиниот вереник долго време собирале пари за венчавката, а сега сака да расположи некој на кој му е потребна помош.

„Знам дека овој чин некој да ми ја кофинансира свадбената веселба нема да ми го врати саканиот, па сакам да ја подарам. Би сакала да бидат Петра и Доријан, но ако не се најдат такви, тоа може да биде кој и да е друг. Сакајте се секој ден како утре да не постои“, рече таа.

Решила да им подари на некои други младенци: настап на групата „Далматино“, венчаница, торта, балони и други украси за ревери, фото катче во салата, аниматор за деца, пијалоци, храна и огномет.