Холандски регулатор предупредува дека ограничувањето на цените може да предизвика недостиг на гас

Обидите да се ограничат цените на гасот во терминските договори може да имаат негативни последици, вклучително и физички недостиг на гас, предупреди холандскиот регулатор, одговорен за главниот европски пазар ТТФ.

И по рускиот напад на Украина, цените на гасот во Европа се одредуваат според понудата и побарувачката, а немаше знаци на манипулации или прекумерни шпекулации, и покрај нивниот остар раст, заклучи Управата за финансиски пазари на АФМ во својот годишен извештај.

Холандскиот регулатор ја критикува „европската тенденција кон ограничување на цените или многу строгите регулативи за осцилациите“, рече членот на одборот Ханцо ван Беузеком.

– Пазарот функционира адекватно, а со интервенции кои никогаш не се знае, последиците можат да бидат полоши отколку што очекувате, рече Беузеком.

Високите цени на гасот се тешки за компаниите и потрошувачите, но во исто време поттикнаа инвестиции во нова европска инфраструктура за течен гас и доведоа до тоа наместо во Азија да пристигнува во Европа, нагласи тој.