Холандија: Најголем дневен пораст на инфекции од април

Професор им држи предавања на студентите на Универзитетот „Рузвелт колеџ“ во Миделбург, Холандија (Фото: АФП)

 

Бројот на регистрирани нови случаи на корона вирус во Холандија се искачи на 1.140 во изминатите 24 часа – највисок дневен број од април – изјави денеска министерот за здравство.

Хуго де Јонг ги објави бројките забележани од Националниот институт за здравство за време на видео пренос во живо. „Не оди на вистински начин“, рече Де Јонг. Еден ден порано, земјата забележа 964 случаи, со случаи што брзо се зголемуваат кај младите лица.

Институтот соопшти дека зголемувањето не е поврзано со повторното отворање на основните училишта низ целата земја во изминатите три недели.