Харис премина во водство пред Трамп, покажува последната анкета

Новата анкета на телевизиската мрежа Си-Би-Ес открива дека Камала Харис е веќе е пред Доналд Трамп за еден поен на национално ниво, откако претседателските избори влегуваат во витални неколку недели.

Телевизиската мрежа ги окарактеризира резултатите како „ресетирање“ на изборите, додека Харис се подготвува да го избере својотпотпретседателски кандидат, откако ќе стане претпоставен демократски кандидат за претседател на овие избори, и ќе се соочи со републиканскиот билет на Трамп и Џеј Ди Венс.

Последната анкета покажува дека Харис напредува, нешто што претседателот Бајден никогаш не го имал – тој падна за 5 поени кога ја напушти трката за реизбор минатиот месец.

Си-Би-Ес објави на интернет дека: „Поттикнати од демократите, помладите и црните гласачи кои станаа поангажирани и поверојатно да гласаат, и од жените кои решително мислат дека повеќе ќе ги фаворизираат нивните интереси, потпретседателката Камала Харис ја ресетираше претседателската трка во 2024 година“.

Но, предупредува дека Трамп е сè уште попопуларен кај гласачите кога ќе ги прашаат за управувањето со економијата и справувањето со имиграцијата, особено на границата меѓу САД и Мексико.

Камала Харис е многу блиску до именување на нејзиниот избор за потпретседателски кандидат за да ѝ се придружи на демократскиот билет за борба против изборите во 2024 година против Доналд Трамп овој ноември.

Таа разговараше со последните кандидати за време на викендот и треба да го објави својот избор пред утревечер, кога Харис и нејзиниот кандидат ќе се појават заедно на митинг во Филаделфија за да ја кренат завесата на нивната заедничка кампања.

Минатиот петок, Демократската партија објави дека Харис, актуелната потпретседателка на САД, обезбедила доволно гласови од партиските делегати за да стане претседателски кандидат.

Шесте претенденти за нејзин број 2 се државните гувернери Џош Шапиро (Пенсилванија), Тим Волц (Минесота), Енди Бешир (Кентаки), Џеј Би Прицкер (Илиноис), сенаторот од Аризона Марк Кели и актуелниот министер за транспорт Пит Бутиџиџ.