Хари и Меган се преселија: Фрогмор Котиџ е новиот дом

Англија– Хари и Меган, војводата и војвотката од Сасекс ја напуштија палатата Кесингтон и се преселија во Фрогмор Котиџ, на имотот Виндзор. Од свршувачката, живееа во Нотингем Котиџ, на имотот на палата Кесингтон.

Кралската двојка е во исчекување на бебето.

Од кралското семејство не коментираат за одлуката иако шпекулациите одат дотаму дека е заради нетрпеливоста меѓу браќата Хари и Вилијам и нивните сопруги Меган и Кејт.

Фрогмор Котиџ има десет спални, посебен дел за дадилката и бебето, и вклучува сала за вежбање и за јога.

Градена е од 1680 до 1684 година од архитектот на кралот Чарлс Втори, и во негова околина се погребани кралицата Викторија и принцот Алберт, како и кралот Едвард Осми и неговата сопруга Валис Симпсон, подоцна војвотка од Виндзор.

Куќата е реставрирана и одново декорирана во 1980 година.

Еден начин за идните деца на Хари и Меган да добијат титула „принц“ или „принцеза“ би било ако принцот Чарлс (71) го преземе тронот пред да се породи Меган. Ако тоа се случи, кралскиот статус со право би бил нивен, бидејќи нивниот дедо би бил крал. Но, ако младенците имаат деца сега, тие најверојатно ќе мора да се помират со титулите „господин“ или …

Да се има деца воопшто не е евтино, особено ако сте член на кралско семејство, па кој е тој што ќе плаќа за одгледувањето на бебето на Меган и Хари?

Додека војводата и војвотката од Сасекс имаат проценета вредност во износ од 33 милиони фунти, таткото на Хари, принцот Чарлс, е тој што го финансира неговото потесно семејство.

Принцот од Велс се потпира на Војводството Корнвол за поголемиот дел од својот приход. Ова е приватен имот, кој бил основан во 1337 година за да обезбеди приход на наследникот на кралскиот трон.

Војводството Корнвол поседува и управува со огромна количина на земјиште и имоти низ целата земја, со годишен суфицит над 20 милиони фунти (26,5 милиони долари) што му припаѓа на Чарлс и неговата сопруга Камила.

Принцот Чарлс плаќа данок на доход за овој годишен приход, кој се користи за нивните јавни, добротворни и приватни активности, како и за војводата и војвотката од Кембриџ, како и војводата и војвотката од Сасекс.

Тие, исто така, добиваат пари од Суверениот грант на кралицата, како и владините оддели на Велика Британија, за да платат за нивните службени патувања, имотни трошоци и сигурност.

Вилијам и Хари исто така го наследиле богатството од нивната покојна мајка принцезата Дијана. На Хари му припаднале 10 милиони фунти дента кога наполнил 30 години. Исто така, тој заработил плата за неговата десетгодишна служба во армијата.