Хаос во Брисел: Демонстрантите запалија гуми, полицијата активираше водени топови

Огромен конвој трактори го блокира Брисел во понеделникот, заглавувајќи го сообраќајот во градот додека земјоделците протестираа против зелената политика на ЕУ. Стотици белгиски земјоделци се упатија кон кружниот тек Шуман, каде што денеска се состануваат министрите за земјоделство на ЕУ

Земјоделците во неколку земји, вклучително и Франција, Италија и Шпанија, протестираат против еколошките политики на ЕУ, се борат со падот на приходите, високите трошоци и конкуренцијата од евтиниот увоз.

Полицијата ги предупреди жителите на Брисел да користат јавен превоз, но метро-станиците „Шуман“ и „Маалбек“ беа затворени.

Полицијата со опрема за немири патролирала во близина на барикадите поставени на главните влезни точки до зградата на Европскиот совет, каде што се собраа министрите за земјоделство од 27-члениот блок. Во колони беа наредени десетици трактори украсени со знамиња и транспаренти, пренесува N1.

European farmers attempt to storm EU headquarters in Brussels. https://t.co/h8BvA8VNlT pic.twitter.com/ArEOF62Dds

— RadioGenoa (@RadioGenoa) February 26, 2024

Некои се жалат на она што го гледаат како бавно умирање на обработувањето. „Земјоделство. Како дете сонуваш за тоа, како возрасен умираш од тоа“, рече еден, пренесува АП.

Фармерите фрлиле приколка полна со гуми на неколку стотини метри од зградата на Европскиот совет, а полицијата донела водени топови пред да бидат запалени купиштата гуми. Неколку трактори поминаа низ една бариера, по што полицијата тргна во потера, а активираше и воден топ.

Претходно овој месец, слични протести станаа насилни бидејќи земјоделците запалија бали со сено и фрлаа јајца и петарди кон полицијата во близина на самитот на лидерите на ЕУ.