Хамас тврди дека израелските бомби го убиле 10-месечниот заложник, неговиот брат и мајка

Вооруженото крило на Хамас во средата соопшти дека 10-месечниот Кфир Бибас, неговиот четиригодишен брат и нивната мајка, кои биле држени како заложници, биле убиени за време на израелското бомбардирање на Појасот Газа.

Израелската армија соопшти дека го проверува тврдењето на бригадите на Ал Касам. Ројтерс, кој го објави тоа, не можеше веднаш независно да го потврди тврдењето.

Семејството Бибас постојано бараше да се ослободи семејството. Кфир бил киднапиран од кибуцот Нир Оз заедно со неговиот постар брат Ариел, нивната мајка Шири и таткото Јарден. Тој беше најмладиот од околу 30 деца кои беа земени како заложници.

Израелските одбранбени сили соопштија дека го известиле семејството Бибас за изјавата на Хамас во врска со тројца од членовите на семејството кои се заложници на терористичката група.

„Терористичката организација Хамас продолжува да дејствува на суров и нехуман начин“, велат од ИДФ, додавајќи дека ја истражуваат вистинитоста на информациите објавени од Хамас.

Семејството Бибас, вклучително и бебето Кфир, беше префрлено од Хамас во друга палестинска терористичка група во Газа, според ИДФ.

ИДФ вели дека Хамас сноси одговорност за безбедноста на сите заложници кои се држат во Појасот Газа, дури и оние што ги држат други фракции.

„Хамас ги загрозува заложниците, меѓу кои и девет деца. Од Хамас се бара веднаш да ги врати во Израел“, велат од ИДФ.