Халеп прв пат го освои мастерсот во Рим

Симона Халеп ја заработи 22-та титула во својата кариера откако триумфираше на силниот тениски турнир на земјени терени во италијанската престолнина Рим со награден фонд од 1,69 милиони евра.

Халеп во финалето ја симна од тронот минатогодишната шампионка на турнирот Каролина Плишкова со 6:0, 2:1 и откажување на Чехињата поради повреда.

Плишкова побара медицинска пауза по крајот на првиот сет, кој траеше само 20 минути. Таа се обиде да продолжи, но поради болка во левиот бут и долниот дел на грбот, не можеше.

Така, Романката ја забележа 14-тата последователна победа и го освои третиот последователен турнир. Таа првпат ја освои титулата во Дубаи во февруари непосредно пред крајот на сезоната поради пандемијата на корона вирус. По продолжувањето на кампањата во август, таа го подигна и трофејот во Прага.

Халеп одби да учествува на УС Опен поради здравствени проблеми поврзани со Ковид-19 и со нејзиниот настап минатата недела даде сериозна најава за „Ролан Гарос“, што започнува во недела.