Хаг: Тачи останува во притвор поради ризик од влијание врз сведоци

Хаг – Судскиот совет во случајот против поранешните таканаречени лидери на ОВК, Хашим Тачи, Кадри Весељи, Реџеп Селими и Јакуп Красниќи, по обвинение за воени злосторства, нареди продолжување на притворот на Тачи.

Советот утврди дека сè уште постојат ризици обвинетите да го попречат текот на постапката или да извршат нови злосторства, беше објавено на веб-страницата на Специјализираните совети во Хаг.

Пресудата во овој случај е закажана за 16 септември.

Поранешните лидери на таканаречената ОВК, Хашим Тачи, Кадри Весели, Реџеп Селими и Јакуп Красниќи, се обвинети врз основа на индивидуална кривична одговорност со шест точки од обвинението за злосторства против човештвото и четири точки од обвинението за воени злосторства.

Тие се во притвор во Хаг од нивното апсење во ноември 2020 година.

На Тачи му се суди во посебна постапка, заедно со уште четири поранешни членови на таканаречената ОВК, за попречување на правдата и обид за манипулирање со сведоци.

Во текот на 1998 и 1999 година, ОВК изврши бројни злосторства, убиства и киднапирања против припадници на армијата и полицијата на тогашна Југославија, Срби и други неалбанци, како и Албанци кои не прифатија да бидат нејзини помагачи или членови.