Групата „Квин“ побогата од англиската кралица
Британскиот рок состав „Квин“ ја надмина по богатство британската кралица Елизабета втора.
Трите преостанати членови на бендот Брајан Меј, Роџер Тејлор и Џон Дикон како група се побогати од британската кралица.
Тројцата рокери заедно поседуваат богатство од 445 милиони фунти, односно околу 522 милиони евра, додека кралицата Елизабета Втора има богатство од 370 милиони фунти, односно околу 434 милиони евра.
Овие музичари заработија голема сума пари по прикажувањето на филмот „Боемска рапсодија“ од 2018 година. Благодарение на тој филм членовите на бендот заработија по 33 милиони долари.