Граѓаните на Истанбул ги откажуваат резервациите за одмор поради повторените избори

10/05/2019 13:25
Турција – Жителите на Истанбул ги откажуваат резервациите за одмор, со цел да учествуваат на повторените избори за градоначалник на метрополата на 23 јуни, изјави претседателот на Асоцијацијата на турските туристички агенции, Фируз Баглакаја.

Откако Врховната изборна комисија донесе одлука за прегласување на изборите за градоначалник на Истанбул на 23 јуни, 90 отсто од луѓето кои направиле резервации за одмор побарале да ги откажат или да го сменат датумот на аранжманите, истакна Баглакаја.

Тој нагласи дека клиентите можат да го вратат целиот износ на платената сума доколку го откажат патувањето три дена пред почетокот на одморот.

Врховната изборна комисија во понеделникот ги оспори резултатите од изборите за градоначалник на Истанбул, одржани на 31 март, на кои кандидатот на владејачката Партија на правдата и развојот, Бинали Јилдирим доживеа пораз од Екрем Имамоглу од опозициската Републиканска народна партија.

Поврзани содржини

Во Франција утре штрајк на контролата на летање
Повеќе од 130 уапсени за време на пропалестинските протести во кампусот на Универзитетот во Њујорк
Масовна гробница со повеќе од 300 тела откриена во болница во Газа
Над 20 руски проектили завршиле на руска територија место во Украина
ЕУ воведува нови правила за поправки на уреди
Сијарто се закани дека повторно ќе ја блокира помошта за Украина
Помошник на европратеник од германската АфД уапсен за шпионирање за Кина
„Туркиш ерлајнс„ ги отстранува Русите од летовите за Латинска Америка

Најчитани