Градинките во Гази Баба добија прочистувачи на воздух

Општина Гази Баба обезбеди прочистувачи на воздух за сите детски градинки на својата територија, со цел подобрување на условите за престој на децата.

Градоначалникот Бобан Стефковски посочува дека здравјето и безбедноста на најмладите се меѓу приоритетите на општината.

– Здравјето и безбедноста на нашите најмлади се наш апсолутен приоритет. Децата поминуваат голем дел од денот во градинките, а наша обврска е да им обезбедиме чиста, здрава и безбедна средина во која ќе растат, учат и се развиваат, порача тој. 

Од Општината велат дека со поставувањето на прочистувачите се создава поздрава и побезбедна средина за децата, кои голем дел од денот го поминуваат во градинките.

Инвестициите, како што наведуваат, продолжуваат и во подобрување на условите и капацитетите на предучилишните установи.