„Господарот на перото“ – избор поезиjа од Радован Павловски на руски јазик

По иницијатива на Олга Панкина, преведувач и популаризатор на македонската литература во Русија, од печат излезе избор поезија на руски јазик, од истакнатиот македонски поет Радован Павловски насловена „Господар на перото“.

Руското издание содржи околу 200 лирски единици и има задача да ја збогати претставата на рускиот читател како за неговото исклучително творештво, така истовремено и за вредностите на македонската литература во целина. Објавена е од рускиот издавач „У Никитских ворот“.

– Многу ми е жал што авторот не ја дочека книгата. Македонската и светската книжевност пред една недела го изгубија големиот поет. Но, за среќа, луѓето заминуваат, а нивните дела остануваат. Вистинските писатели не умираат, вели Панкина.