Гори отпадот на Дрисла
Густ и црн чад ги вознемири граѓаните утрово. Според жители кои се во близина и кои објавија видео на социјалните мрежи, се гледа чад кај депонијата Дрисла во Скопје. Гори ѓубрето кое се депонира и се издига црн чад.
Од Центарот за управување со кризи (ЦУК) велат дека добиле информација оти горела депонијата, но немаат повеќе детали освен тоа дека пожарот набргу бил изгаснат.Официјалните информации од Центарот за управување со кризи се дека активни пожари во државава нема, а дека има чадење кај Дрисла.