(Видео) Гори автобус на ЈСП во Ѓорче Петров, нема повредени

22/08/2019 10:12
Градски автобус на ЈСП, со број 5, се запали во Општина Ѓорче Петров, а според фотографиите кои се споделуваат по социјалните мрежи се гледа дека гори горниот дел на автобусот.
Од ЈСП Скопје информираат дека на лице место е внатрешна контрола и се утврдуваат причините за несреќата, најважно е што нема повредени патници.

„Во автобусот на линија 5 во кој утринава избувна пожар нема повредени патници, причинета е само материјална штета. Настанот се случил во близина на Општина Ѓорче Петров, кога автобусот сообраќал на редовна линија во правец кон центар.

Пожарот, чии причини се утврдуваат, е изгаснат во брзо време, благодарение на брзата интервенција на екипата на Противпожарната бригада.

Внатрешната контрола на ЈСП Скопје веднаш излезе на терен и се утврдуваат причините на пожарот“, соопштја од ЈСП.

Според нив, возачот на автобусот изјавил дека за време на возењето забележал чад од горниот кат на возилото, застанал и со ПП-апарати се обидел да го изгасне. Во меѓувреме забележал и искрење и повикал на помош екипа на Противпожарната бригада. Пожарот бил изгаснат во најбрз можен рок.

Во моментов, на терен врши увид и екипа на МВР.

Се работи за автобус со број 5 кој сообраќа на релација од Дексион кон Ново Лисиче.

Поврзани содржини

Урбани велосипедисти утре ќе вртат кругови околу „Ист гејт мол“
Ѓорче Петров се ослободи од 100 метри кубни отпад од диви депонии
Oтстранeта рампата на улицата „Наум Наумовски Борче”, улицата станува двоначочна
Без струја селата Волково и Кучково, како и неколку улици во Кисела Вода и Гази Баба
Арсовска: Решението за Универзална со мислењето од ИЗИС го потпишал Петре Шилегов
(Во живо) Прес на градоначалничката Данела Арсовска
Кривично ќе се гони скопски градоначалник за „несовесно работење во службата”
Во Центар се менуваат 3.982 светилки со ЛЕД осветлување

Најчитани